متضامن مع وائل عباس

من اربع سنين عرفت وائل عباس ، لسانة طويل  ، بيعجبوش العجب ، بيسب ويلعن أى حاجه ماتعجبوش ، نشر فيديوهات تعذيب كتير ، صور كل الفاعليات اللى كفاية كانت بتعملها وشباب  من اجل التغيير والأحزاب وكل انشطة المعارضة فى 2005 و 2006 و 2007  خاصة ان كان فيية اوقات ماحدش بيغطى حاجه للمعارضة الا المدونين

كتب و نشر فيديو وصور عن قضايا كتير يمكن اهمها التعذيب والتحرشات الجنسية و المظاهرات ، دا غير إنه كتير بيتكلم فى الاعلام عن دور المدونين والصحافة الشعبية فى فضح إنتهاكات النظام

من كام شهر فية ظابط ساكن جنب وائل اتخانق معاه وكسر لوائل سنتة غير بعض الكدمات التانية ، وبعد كدا لفقلة قضية واتحكم فيها بست شهور ضد وائل  مع الشغل و خمسومية جنية غرامة

وتخيلوا التهمه إية؟؟؟

التهمه إتلاف سلك نت ، واصبح وائل بدل ماكان مجنى علية بقى جانى ، و علشان احنا فدولة نظام وسخ يبقى طبيعى ان الظابط اللى كسر سنة وائل ما يحصلوش اى حاجه ووائل نفسة ياخدلة ست شهور سجن

قضية وائل يوم 18-2 وعايز انقلقكوا من عند مصطفى النجار حاجه مهمه

أقل ما نفعله من أجل رفع الظلم الواقع علي وائل أن نشارك في حجب مدوناتنا يوم 13 فبراير وذلك بأحد طريقتين :1 – عمل تدوينة فارغة بيضاء نكتب فيها عبارة واحدة : تحتجب اليوم مدونتي تضامنا مع وائل عباس
ووضع لينك الجروب الخاص بالتضامن مع وائل
2 – عمل تدوينة بها بانر التضامن فقط مع وضع لينك الجروب التضامن الخاص بالحملة

انا متضامن مع وائل عباس