عزيزي استيفان روستي..
كنت اجلس معها في ابو السيد عندما وجدت صور لكثير من رفاقك.. اخبرتها عن ندمي اني لم اولد في حياتك ليتثني لى شرب زجاجة بيرة معك في احد بارات وسط البلد
الحقيقة يا استيفان..اني اريد ان اتحدث معك كثيرا عن الحالة التي وصلنا معها..لقد هرمنا ياجدع..والناس بقت وحشة اوى..حتى التكاتك يا استيفان اصبحت كابوسا بعد ان صدمت سيارتي الحقيرة عدة مرات في ايام قليله..
ربما دار بيني وبينك نقاشات عدة حول ما قرأته سابقا من اعمال ادبية بها كلاما ابيح ومنشورة في احد الصحف القومية…يا عزيزي داحنا اتطورنا اوي دلوقتي..والثورة تأتي ثمارها رغم انها لم تكتمل
عزيزي استيفان..
انهرت اليوم مرتين..الاولى عندما شاهدت التوك توك المكتوب عليه )مننا فينا..ويؤروا علينا( حيث انه صدم سيارتي الحقيرة الاسبوع الماضي..والثانية عندما وجدت تغريدات مز الثورة والمجلس عمرو حمزاوي..
نعم يا استيفان هو الشاب الليبرالى ذو الشعر الكثيف..اصبح الان عقبال امالتك عضو مجلس شعب..لكنه تغير كثيرا يا استيفان فبعد ان كان يتكلم عن افكار ذات علاقة بنهضة مصر وتنمية الفرد..اصبح بتحدث الان عن حظر المواقع الاباحية..نعم يا استيفان..ربما يجب ان ترقص الان دون ان تتحزم..خلاص يا بيه الناس كلت بضاني ..
عموما يا عزيزي..هذا حال الدنيا..احدهم كتب لحمزاوى على تويتر..طب وبالنسبة لضرب العشرات اية النظام؟؟..هل تصدق هذا يا استيفان؟؟ ضرب العشرات يا عزيزي
عزيزي استيفان..قرأت نعيك منذ ايام عبر لينك ارسلته لى احدى الصديقات..منذ ان قرأته ولم تغب عن بالي..تمنيت كثيرا ان تكون على قيد الحياه..وتمتلك حسابا على تويتر تمتع به امثالي..هل تعلم يا استيفان ان نبيل الحلفاوى يمتلك واحدا؟؟ نعم.. وهناك عدد ليس بقليل من الفنانيين يمتلك حسابا على تويتر..هيفاء وهبي ايضا لديها واحد..
لم اتمني شيىء في حياتي اكثر من ان ارى حسابك على تويتر..وتعملي فولوا بقى وتصياتني..تمنيت ايضا أن يفعلها عادل أدهم..لكنه خذلني ومات..اما غسان مطر فلا اعرف لماذا لا يمتلك واحدا حتى الان
عزيزي استيفان..
المرة السابقة ارسلت رساله الى الظروف..وقلت لها..كسمك..اليوم اراسلك لعلي اجد ردك قريبا..حيث ان كسم الظروف لم ترد الى الان
تحياتي واشواقي
مو
بعد التحية..وبعد السلام..
أما قبل ..
عزيزتي الظروف..كسمك
لا تتخيلي الظلام الذي حل بسببك..فقد قطعت مسافة كيلومترات بسيارتي الحقيرة لاشعر فقط بالقرب منها ليس أكثر..لكن وبسببك لم أشعر به لحظة
عزيزتي الظروف..كسمك
لقد هيئت الاجواء على انها قادمة..رغم اني اعرف انها لن تأتي..فلم يكن بيننا موعدا..فالظروف لا تسمح بهذا في تلك الفترة..لكنك أخذت حتى بهجت مجرد الحديث..
عزيزتي الظروف..كسمك
بعد تهيئت الأجواء..وبعد..سد الثغرات واحضار أدوات منزلية و تظبيط بيت التنين الوحيد..وشراء) خط( مخصوص ليوم جاء بعد اشتياق..لم يحدث أي شيىء..أيضا بسببك
عزيزتي الظروف..كسمك
أما بعد
تبدأ الاحلام كبيرة..ثم تتآكل..أحيانا ذاتيا..وأخرى اثر عوامل التعرية الانسانية..ثم يتبقى من الحلم الكبير..شيئا متناهي الصغر.. ثم تأتي الظروف وتبعثر المتناهيي الصغر..لتصبح الساعات قيمة مهمله
عزيزتي الظروف..كسمك
2005
كانت بداية اني أدون عن السياسة..كنت لسة شبه مقيم ف الشرقية مع عيلتي.. بدأت أدون عن السياسة مع بداية انضمامي لحركة شباب من اجل التغيير..اللى علاء كان قريب منها هو وجيل من المدونين القدام امثال احمد وعمرو غربية و وائل عباس وشهيناز عبدالسلام وناس تانية كتير منهم اللى فضل موجود واللى اختفى ومابقيتش اعرف عنهم حاجة
علاء وقتها كان واخد التدوين جد جدا وكان شايف ان الانترنت مساحة مهمه يمكن استغلالها في احداث تغيير..او زي ما كان بيقول : انترنت من اجل التغيير
2006
كان علاء منخرط بشكل كبير في العمل السياسي وموجود هو وأغلب المدونين السياسين طول الوقت في المظاهرات اللى بتحصل وساعتها.
واتقبض علية ف احداث التضامن القضاه من امام نادي القضاه في وسط البلد وقضى 6 اسابيع في المعتقل هو وشباب تانية كتير…اتحبس في سجن طرة ..
2007
الدنيا هديت شوية والنشطا السياسين كتير منهم مابقاش متواجد اوى..علاء كان مركز مرضة على الانترنت…كان بيعمل تدريبات ليها علاقة بالأنترنت والتدوين والاهم من دا..هو النشاط الخاص بالبرمجيات الحرة..وفية ورقة بحثية صغيرة لو ذاكرتي صح يبقى دا كان في بداية 2007 بتتكلم عن الانترنت والتغيير كانت مقدمة لاحد ورش العمل في الشبكة العربية لمعلومات حقوق الانسان..
2008
علاء سافر جنوب افريقيا…هو اساسا واحد من اهم مطورى البرمجيات في مصر..ومركة جدا على البرمجيات الحرة .. سافر هناك بيشتغل على مشروع تطوير نظام تشغيل مبني على جنو لينكس…دا على حد معلوماتي ..وفضل هناك لحد الثورة
2011
بداية الثورة ماكنش علاء موجود في مصر..لما الاتصالات اتقطعت في مصر كان بيكلمنا من التليفون الأرضي في هشام مبارك..ونقولة على الاخبار علشان ينشرها من عنده
رجع علاء قبل التنحي وكان موجود في الميدان طول الوقت
وفضل موجود وقرر انه ما يرجعش تاني جنوب افريقيا..وعمل انشطة كتير أإلبنا سمع عنها زي تويت ندوة مثلا ..ومشاركتة في مبادرة يلا ككتب دستورنا .. وبدا يكتب في جريدة الشروق
تحت حكم العسكر..
على خلفية احداث ماسبيرو تم استعاء علاء للتحقيق معاه … لكنه رفض ان يتحقق معاه عسكريا..وقال للمحقق العسكري..ان الجيش متهم وماينفعش ان الجيش يبقى هو جهة التحقيق وجهة محاكمة وهو اساسا متهم
وطلع قرار النيابة بحبسة 15 يوم ولما المحاميين عملوا استئناف علشان يخرج..تم رفضة…علاء محبوس احتياطي علشان قرر انه ياجد موقف ويرفض التحقيق معاه امام العسكر
Alaa Abd El-Fatah
Alaa Abd El-Fatah (Twitter - Blog) is one of egyptian bloggers and political activist gets 15 dayes detention in Maspeo investigation, Where he was the military prosecutor charged with incitement against the military.
It is noteworthy that Alaa spent 6 weeks in prison in 2006,On the back of solidarity with judges demanding the independence of the judiciary.
قررت النيابة العسكرية حبس المدون المصري والناشط السياسي علاء عبدالفتاح 15 يوم على زمة التحقي على خلفية أحداث ماسبيرو
More:
http://www.almasryalyoum.com/en/node/510199
http://bikyamasr.com/46855/egyptian-blogger-alaa-abdel-fattah-sentenced-15-days-by-military-court/
http://globalvoicesonline.org/2011/10/30/egypt-blogger-alaa-abd-el-fattah-detained-for-15-days/
http://www.anhri.net/en/?p=4706
http://justanegyptian.com/2011/10/30/freealaa-in-solidarity-with-alaa-abdelfattah-and-bahaa-saber/
كنت مع اصحابي بنتفرج على حاجات هيشتروها لشقتهم..هيتجوزوا كمان شهر..بالصدفة مالكعرف ان المظاهره بتتفض والجيش بيدهس الناس ..رحنا المستشفى القبطي ..كان فية ناس كتير هناك..أغلبهم مسيحيين ..واحنا فالعربية جالي خبر استشهاد مايكل مسعد..اللى بيشتغل معايا في الشبكة العربية..بعديها مالك عرف ان مينا دانيال مات..أول مرة الموت يقرب مننا…الناس دي احنا كنا عارفينها كويس.
رحنا المستشفى القبطي نتبرع بالدم قالوا مافيش تبرع..رحنا المستشفى الايطالي..نفس الحكاية..وانا عند المستشفى القبطي مالك اختفى عننا…راح المشرحة…رحتادور علية لقيت عربية ملاكي ..فيها واحد في المقعد الخلفى ..كان استشهد خلاص..ماعرفتش اتحرك وقعدت ف الأرض دقيقتين….قلت لاسماء ودنينا..كانوا اساسا منهارين ومش دنيا ف حالة هستيرية ومش عارفة تعمل حاجه غير انها تقول ودوني اتبرع بالدم، بيقولوا مافيش دم هنا
انا عمرى ماكنت خايف ف 18 يوم بالطريقة دي…قبل كدا كنت قلقان بس كنت مفتائل…
فية واحد كان نايم قدام المستشفى الاطالي..قربت منة وسألته مالك…كان مش عارف يتنفس من كتر الغاز اللى شمة..
مالك خرج من المشرحة…
رحنا المستشفى الايطالي…لاقينا ناس كتير..كلهم مش عارفين يتبرعوا بالدم..كنا محتجين دم كتير علشان الاصابات..بس ماحدش عرف يتبرع..ولحد دلوقتي مش عارف ازاى مستشفيتين مانقدرش نتبرع فيهم بالدم
تاني يوم عديت على المستشفى القبطي بسرعه وبعدها رحت شغلي…
ماعرفتش أروح تاني بعد الشغل..كان الناس كتير وشارع رمسيس واقف وماعرفتش اتحرك ولا اركن العربية
قابلت مهاالاسود ووائل عباس..كانوا منهارين ..ومش بيتكلموا كتير
روحت وباليل نزلت استني جثمان الشهيد مينا علشان هييجي التحرير..شوية والجثمان جه..ساعتها بقى فية أخبار ان المسيرة اللى جاية من الكتدرائية بتتهاجم …بس طلع كلام مش صحيح وانها حاجات بسيطة
لما جثمان الشهيد وصل التحرير الناس كلها بدأت في الهتاف وزفوا مينا في التحرير وكل شوية عدد الناس بيذيد وفضل يذيد كل شوية لحد الساعه 3ونص الفجر..انا مشيت ساعتها
مالك عدلي وعماد مبارك وحسام بهجت وأسماء على ومها الأسود ودنيا مسعود ونوف سيناري ..الناس دي اتغيرت بعد يوم الحد
اتغيرت بجد..
أغلبهم دخل المشرحة أو شاف المصابين
فية حاجه فيهم انكسرت…حاجه فيهم ما بقيتش موجودة ..
يوم الاتنين الصبح لما نزلت من الشارع …كانت مكتئبة…الشوارع نفسها مكتئبة…العمارات مكتئبة..الناس ماشية في الشارع غريبة…يمكن انا اللى حاسس كدا بس ..
بس اللى انا متأكد منه…يوم بعد يوم الأحد غير قبله
شهداء تحت الطلب- دون وصيتك ضد العسكر
أنا أساسا بخاف جدا…عندي حاجات كتير بخاف عليها..
أمي مثلا..ست طيبة ..عايشة بعيد عندي أكتر الاسبوع بعد ما بابا مات..
أيام الثورة كان عايش أغلب وقته في المستشفى كنت مرعوب إنه يموت وانا مش موجود..ومات..أيام الثورة كنت بقضي أغلب وقتي في هشام مبارك أو في الشبكة العربية..لو كان حصلي حاجه كانت هتكون كارثة
في الأخر عندي حاجات كتير بتخليني جبان …بفكر كتير قبل ما أكون في خطورة
مها الأسود ومالك عدلى قالولي أكتب وصيتي لو مت شهيد…
لو مت شهيد أو حتى مت مش شهيد مش عايز حاجه خالص..خليكوا فاكريني بس..وابقوا افتكروا اني كنت كويس مع أصحابي واني مازعلتش حد منى …وقولوا لأمي اني بحبها أكتر من نفسي..وإني كنت بحب بابا جدا حتى لو ماكنش ظاهر حبي لية..وإني عارف كويس إنه بيحبني جدا..بيحبني حتى أكتر من بقيت إخواتي..وماتزورونيش ف قبري..وافتكروني ف سركوا بس
لو هتكلم عن المجلس العسكري مش هقول غير حاجه واحدة، إوعوا تثقوا ف عسكر كانوا ف نظام مبارك…واوعوا تنسوا مذبحة مسبيروا وقبلها موقعة الجمل..إوعوا تنسوا كل الشهدا من 25 يناير لحد ما يبقى عندنا دولة ديمقراطية بجد..
…انا مش بناضل ولا هعرف اكون زي مينا ولا أى حد من الشهداء …ولو مت وصيتي مش هيكون ليها علاقة بالنضال…انا بحاول اكون مفيد للبلد ولأهلي حتى لو كنت فاشل ف ده
