مدونة مواطن مصرى واخد على قفاه

العلاوة 30% إتاكلت قبل ما تتاخد ، العلاوة نزلت قبل أربعه مايو ، والبنزين يغلا بعد أربعه مايو اللى حصل من اول ما مبارك ضحك علينا بحكاية العلاوة دى لحد دلوقتى عامل زى ما يكون مرحية
مبارك يطلع يقول للحكومة إعملوا علاوة 30% ، نجيب موارد منين يا ريس ، إتصرفوا وشوفوا موارد ، ومن هنا لهنا هوب العلاوة بقت واقع
ياسلام 30 % دى الناس دى طيبه أوى
فى مجلس الشعب يناقشوا أسعار البنزين والسولار والسجاير وغلوا البنزين بنسبة كبيرة جدا أكبر من المرة اللى فاتت بضعفيها تقريبا
بس ماتقلقوش العلاوة موجوده ومدام العلاوة موجده كله يهون
واحد صاحبى إشترى سلعه معينة أول إمبارح باليل وإمبارح إشترى نفس السلعه ، ولما لاقى إنها غليت 25 قرش فى كام ساعه سأل البائع هى غليت إيه؟ عارفين رد قال إيه؟؟ يا أستاذ دا البنزين غلى والسجاير غليت
مش بقلقوا والناس طيبين موت موت موت ، ومش مهم أى حاجه المهم العلاوة
اللى فعلا مش فادر أفهمه الحكومة دى بتفكر إزاى؟؟
دا زى ما يكون نظيف دا مجرد شخص ، بقى رئيس وزرا بس علشان يحصل كل اللى بيحصل دا والناس تكرهه هو ، يعنى واجهه كريهه للنظام بدل مايكون مبارك هو الواجهه دى ، حاسيت كدا لما مبارك هو أعطى الناس علاوة ووتانى يوم نظيف خدها منهم
عرفتوا دلوقتى نظيف هيجيب الموارد اللى تغطى العلاوة 30 % منين؟؟
والله ناس طيبين فعلا
بيقولك الحل الوحيد لما يكون فيه واحد ديكتور ومش عايز الشعب يقولة تلت التلاته كام إنه يجوع الشعب ، بس بالمهاود ، يعنى يجوعه أه بس مايموتوش من الجوع ، علشان يفضل من أول ما يصحى من النوم لحد ماينام بيشتغل يادوب علشان مايموتش من الجوع ، مش فاضى بقى يعرف إيه اللى بيحصل فى الدنيا ، المهم مايموتش من الجوع
أيام السادات كان فيه طوابير برده ، بس كانت فى الجمعية ، بيبيعوا فيها فراج ولحمة سودانى ورز وحاجات حكتير أحمدك يا رب
ولما رغيف العيش غلى حاجه بسيطة جدا الدنيا إتقلبت علية
يا حيلاوة
المهم إن العلاوة إتكلت وهو دا المهم والناس اللى بتدير البلد كذبوا علينا كذبة فشر كذبة هزيمة 67
إحمد عز بيقولك إن الخوف من زيادة الأسعار مجرد فلكلور إقتصادى ، وجمال مبارك عمال يتكلم عن دولة فى المريخ قدرت توفق بين الأجوز وإرتفاع الأسعار ، يا حيلاوة
أقل واحد فى مصر موصلاته كل يوم ذادت على الأقل جنية يعنى 30 جنية فى الشهر ، نقول ليه ولدين بيستخدوا الموصلات وقول يا سيدى الإتنين مع بعض موالاتهم ذادت جنية كمان ، بقى كدا 60 جنية فى الشهر ، بيدخن؟؟ خمسين قرش كمان؟؟ 75 جنية ؟؟
هى العلاوة مش على المرتب الأساسى؟؟

عند الأزمات تتصاعد الفتوى ، هذا ماوجدته ، كلما يتجه الرأى العام المعارض لقضية معينة تظهر لنا فتوى تخص القضية المثاره ، وكان منذ شهرين تقريبا ظهرت فتوى تبيح توريث الحكم ، وبالأمس ظهرت فتوى جديده تحرم الإضراب .
الفتوى أطلقها الشيخ يوسف البدرى ملخصها أنه لا يجوز تنحى الرئيس ولا إستجابته لطلابات العوام بالتنحى كما انه لا يجوز الإضراب ، ثم تطرق لأشياء تبدو غريبه فى طرحها الآن بصورة ملفته
والشيخ يوسف البدرى غالبا يقصد بالفتوى توصيل رسالة لما يسميهم هو بالعوام بحرمانية الإضراب ، لن أفعل اتحدث كثيرا عن الفتوى ولن أقول إذا كان الإضراب حلال أم حرام فلست مؤهل بالفعل لذلك ، لكنى أريد أن أنقل أحد الفتاوى للدكتور يوسف القرضاورى الفتوى تجدها فى كتاب فتاوى معاصرة الجزء الثانى بعنوان “مراتب تغيير المنكر ومتى يجوز التغيير بالقوة”
وما يخصنى هنا هو جزء فى الفتوى بعنوان ” إذا كان المنكر من جانب الحكومه ” ويقول فيها الدكتور يوسف القرضاوى -بإختصار - ” هنا تظهر المشكلة إذا كان المنكر من جانب الحكومة أو الدولة ، التى تمتلك مقاليد القوة المادية والعسكرية ، ماذا للفئات أو الأفراد أن يعملوا لتغيير المنكر الذى ترتكبة السلطة أو تحميلة ؟؟
عليهم أن يملكوا القوة التى تستطيع التغيير وهى فى عصرنا ثلاث :
الأولى :القوات المسلحة وهى التى يعتمد عليها دول العالم الثالث فى إقامة حكمها وتنفيذ سياستها والعمده لهذه الحكومات ليست المنطق ولكن القوة ومن معه القوة يستخدمها ليضرب كل إتجاه شعبى يريد التغيير
الثانية : المجالس النيابية التى تملك سلطة التشريع ، وهذه فى الدول الديمقراطية وفى ظل نظام ديمقراطى حقيقى غير مزيف يمكن أن يغير الأغلبية كل مايرى من المنكرات ، بواسطة التشريع الملزم ، التى لا يستطيع أن يرفضة وزير ولا رئيس حكومة ولا رئيس دولة
الثالثة : قوة الجماهير الشعبية العاريمة التى تشبة الإجماع ، والتى إذا تحركت لا يستطيع أحد أن يواجهها ، أو يصد مسيرتها ، إنها كموج البحر الهادر أو السيل العارم ، لا يقف أمامه شيىء ، حتى القوات المسلحة نفسها ، ولأنها فى النهاية جزء منها وهذه الجماهير ليسوا إلا أهليهم وآباءهم وأبناءهم وإخوانهم
ثم يقول فضيلتة بعد ذلك : ان من لا يملك هذه القوى علية أن يصبر وعلية أن يغير باللسان ، والقلم والدعوه والتوعية والتوجية حتى يوجد رأيا عاما قويا يطالب بتغيير المنكر ويعمل على تربية جيل طليعى مؤمن يتحمل تبعة التغيير
ثم يكمل فضيلتة الفتوى عن الشروط المتوافرة التى توجيز التغيير بالقوة
يمكنك قراءة الفتوى فى كتاب فتاوى معاصره -الجزء الثانى- تحت عنوان “فى مجال السياسة والحكم” عنوان الفتوى “مراتب تغيير المنكر ومتى يجوز التغيير بالقوة” صفحة 681
نوارة نجم تحدثت عن أبا ذر الغفار والحقيقة أنى أكن لهذا الصحابى الجليل حبا خاصا لذلك أحببت أن أتحدث قليلاعنه خاصة وأن حياتة كانت لها علاقة مباشرة بالصدام مع الأمراء
أبو ذر الغفارى من قبيلة غفار ، أحد القبائل التى كان يعمل أفرادها كقطاع طرق وعندما عرف أن امر الإسلام ذهب إلى مكة وإستطاع ان يقابل النبى صلى الله علية وسلم ووتحدث مع النبى ثم أعلن إسلامى وعندما عرف النبى صلى الله علىية وسلم منه أنه من غفار قال صلى الله علية وسلم “إن الله يهدى من يشاء”
كان هذا فى بداية الإسلام ربما كان سيدنا أبو ذر هو سادس من أسلم ، وقبل أن يرحل من مكة إلى قبيلتة ذهب سيدنا أبو ذر الغفارى إلى الكعبة وصاح بعلو صوتة ولأول مرة تحدث “أشهد أن لا إلة إلا الله وأن محمد رسول الله” هجمت علية قريش ولم ينقذه سوى أن العباس قال لقريش وحذرهم أنه من غفار وأن تجارتهم تمر على غفار
عندما خرج النبى صلى الله عليه وسلم إلى غزوة تابوك وولم يجد أبا ذر سأل عنه أصحابة أخبروة (ص) انه تأخر ولم يأتى ، فقال النبى (ص) “دعوه، فان يك فيه خير فسيلحقه الله بكم، وان يك غير ذلك فقد أراحكم الله من” وإنطلق المسلمون ووفى الطريق وجدوا رجلا ياتى من بعيد وحده فقال النبى صلى الله علية وسلم “كن أبا ذر “وعندما إقترب كان فعلا سيدنا أبا ذر ، وقال رسول اللة (ص) وقتها حديثه عن أبا ذر الغفارى ” رحم الله أبا ذر ، يمشى وحده ، ويموت وحده ، ويبعث وحده”
هل تجد انى بعدت عن الموضوع الأساسى؟؟
ماعلاقة أبا ذر الغفارى رضى الله عنه بالفتوى التى أطلقها يوسف البدرى؟؟
ماسبق أردت منه فقط أن أقول من هو أبو ذر الغفارى رشى الله عنه وأرضاه
دعنى أقول لك إذن ماذا وصاه النبى صلى الله علية وسلم ،فقال له النبى (ص) ” يا أبا ذر، كيف أنت إذا أدركك أمراء يستأثرون بالفئ” فأجاب قائلا “إذا والذي بعثك بالحق، لأضربن بسيفي” فقال له الرسول -صلى الله عليه وسلم- “أفلا أدلك على خير من ذلك؟ اصبر حتى تلقاني” ولم يحمل سيدنا أبو ذر الغفارى السلاح أبدا خلال الفتنه
لكن هل سكت سيدنا أبو ذر على مايحدث فى عصرة من أشياء يرى أنها ظلم؟؟؟؟
فى أواخر عهد سيدنا عثمان بن عفان - آخر سنتان مع بداية الفتنه - وجد سيدنا أبو ذر الغفارى رضى الله عنه أن سيدنا معاوية بن أبى سفيان وكان سيدنا عثمان رضى الله عنه قد إستخدمة على الشام ، أقول أن سيدنا أبو ذر وجد فى الشام أن هناك قصورا وثراء وفقر وجوع على الجانب الآخر قفال وقتها قولتة الشهيرة “عجبت لمن لا يجد القوت في بيته، كيف لا يخرج على الناس شاهرا سيفه” لكنه يتذكر ما قالة رسول الله له ووصاه به فيرجع مرة أخرى إلى طريقتة فى جهاد ما يراه ظلم ويظل يردد ” بشر الكانزين الذين يكنزون الذهب والفضة بمكاو من نار تكوى بها جباههم وجنوبهم يوم القيامة ” حتى أن الجميع صار يرددها كلما مر بقصر أو بأمير
كان دائما مايذكر المسلمين بأعلى صوت له بالإية التى تقول بسم الله الرحمن الرحيم : “وَالَّذِينَ يَكْنِزُونَ الذَّهَبَ وَالْفِضَّةَ وَلاَ يُنفِقُونَهَا فِي سَبِيلِ اللَّهِ فَبَشِّرْهُم بِعَذَابٍ أَلِيمٍ * يَوْمَ يُحْمَى عَلَيْهَا فِي نَارِ جَهَنَّمَ فَتُكْوَى بِهَا جِبَاهُهُمْ وَجُنُوبُهُمْ وَظُهُورُهُمْ هَذَا مَا كَنَزْتُمْ لأَنفُسِكُمْ فَذُوقُواْ مَا كُنتُمْ تَكْنِزُونَ”
هذا مافعلة أبو ذر رضى الله عنه لم يتخلى أبدا عن موقفة فى ما رأه ظلم ، كان يبحث عن العدالة
لقد إستخدم سدينا أبا ذر لسانة للوقوف أمام ما يراه ظلم
من حقنا أيضا أن نفعل مثلة نتظاهر ، نكتب ، نتحدث ، أى شيىء نستطيع به نعبر عن مطالبنا
تماما كما كان سيدنا أبو ذر الغفارى يدعو الناس

متأكد إن إسراء لا عملت جروب الفايس بووك ماكنتش متخيلة أبدا إن عدد أعضاءة هيوصل للعدد الضخم دا

ولما وصل للعدد الضخم دا ،أنا متأكد إنها ماكنتش متخيلة التجاوب الكبير دا

ولما الناس إتجاوبت ماكنتش متخيلة إن الموضوع هيبقى أكبر منها بالشكل دا

ولما إعتقلوها كان نفسها تعمل أى حاجه وتخروج ، دا غير كلامها بس هو دا الحقيقة أكبر مناضل فيكى يا مصر لما يتاخد يبقى أكيد عايز يخروج

مش الكلام دا طبيعى ؟؟

بقول حاجه غريبه؟؟

إسراء غلطت فى ايه بقى؟؟

انها قالت إن السجن حلو وإن الدنيا تمام ومافيش إهانات

دا الشيىء الوحبد اللى غلطت فيه بس الحقيقة هى معها عزرها واللى يقول غير كدا يبقى لازم يحط نفسه الأول مكنها انها بنت وانها كانت لوحدها فى الإعتقال و الدنيا مقلوبة عليها وفوق دا كلة أول مرة تعتقل فى حياتها

من حق إسراء إنها تخاف ومن حق إسراء إنها تكتشف إن الموضوع كان أكبر منها وإنها مش هتقدر تكمل

صحيح لو كانت خرجت قوية كان هيبقى شيىء عظيم جدا لكن برده عزرها موجود ومقبول جدا

هى ماطلبتش من حد يعملها بطله ، كل اللى كتب عنها هو اللى عملها بطلة

الموضوع كان أكبر منها وهى ما أكتشفت إنها مش هتقدر تبقى قد الموضوع صحيح إكتشفت دا متأخر بس أنا فعلا عندى ليها عذر ومتقبلة جدا وكويس إنى لاقيت ناس كتير لاقيين ليها عذر ومتقبلينة

محمد الشرقاوى وإسراء خرجوا

خبر قديم

أنا عارف

بس لسة واصلنى دلوقتى ، اصلى بقالى مده مشغول شوية

مبروك بجد وحمدلله على السلامة

تحديث من مركز هشام مبارك للمساعده القانونية : تم إطلاق سراح نادية مبروك اليوم عصرا وتبين أن قرار إعادة الإعتقال الصادر من وزير الداخلية كان يخص الناشطة إسراء عبدالفتاح فقط ولم يشمل الناشطة نادية مبروك ، إسراء عبدالفتاح لازالت بسجن القناطر

-

بعد أن صدر قرار من النيابة بالإفراج عن إسراء عبدالفتاح ونادية مبروك ، القرار كان من النائب العام

أعادهم جهاز امن الدولة لسجن القناطر ضاربا قرار النيابة بعرض الحائط ، فقد أخفتهم الداخلية و تحفظت عليهم بموجب قانون الطوارىء حيث أن قرار النيابة كان إخلاء سبيلهم بعدها صدر قرار من وزير الداخلية بإعادة الإعتقال .

نيابة المنصورة أصدرت قرار بالإفراج عن خمسة من المعتقلين والداخلية رفضت التنفيذ ، بموجب قانون الطوارى أيضا

أيضا رفضت الداخلة الإفراج عن ثلاثة معتقلين من أصل 13 وأعادة إعتقال هؤلاء الثلاثه بموجب قانون الطوارىء

أحمد بدوى مدون وأحد النشطاء السياسيين ، عضو بحزب الغد وبحركة كفاية ، أحد الذين دعو لإضراب 6 أبريل على الفايس بووك وعلى مدونتة ، لم يكتف بالدعوة وحسب بل شارك فى مظاهرات وسط البلد يوم الأحد 6 إبريل لتعتقلة قوات أمن الدولة ويحبس 15 يوم على ذمة التحقيق

لزيارة مدونة أحمد بدوى إضغط هنا

قوات المباحث إقتحمت أمس دار ملامح للنشر ، وقد صادرت قوات المباحث رواية مترو ةكل العقود الخاصة بهذه الرواية ، كما تم مسح الرواية من على سيستم الدار و مصادرت كل النسخ المجوده بالمكتبات

يذكر أن المدير التنفيذى لدار ملامح للنشر هو محمد الشرقاوى المعتقل حاليا بعد إختطافة من امام منزلة يوم الأحد 6 إبريل فى سيارة ملاكى و بأيد رجال يرتدون ملابس مدنية

محمد الشرقاوى ظل يوم او أكثر لا يعرف أحد مكان إحتجازة وعرض على النيابة فجأة وتم التحفظ علية 15 يوم على زمة التحقيق

تحديث: تم الإفراج عن جورج إسحاق بكفالة مالية 10000 جنية

-

منذ ساعات قليلة تم القبض على جورج إسحاق من منزلة بوسط البلد

وتم عرضة على نيابة أمن الدولة بالتجمع الخامس ومنع الأمن المحاميين من حضور التحقيق

كما تم القبض على الحاج فتحى الحفناوى القيادى بكفاية بمحافظة الغربية

أيضا القبض على أمينة عبدالرحمن أثناء تواجدها بالمحلة لتغطية الأحداث

اليومين اللى فاتوا ناس كتير تم إعتقالهم

عشرات من شطاء كفاية و200 من المحلة الكبرى

بس الإضراب نجح والنظام عرف إن الشعب ما هيتحرك ماحدش هيقدر يوفقة

عدد المعتقلين المرادى كبير ، بس الناس كلها معاهم مش بس النشطاء السياسيين

الإضراب ماكنش لية دعوة بالناس اللى بيتكلموا فى التليفزيونات واللى بيحبوا يدوا بتصريحاتهم الناريه

المرادى كل المصريين مع المعتقلين

الملايين اللى كانت بتتكلم عن الإضراب فى المواصلات ، والناس اللى الأضربت ومانزلتش شغلها

الصورتين اللى فاتوا دول لمحمد الشرقاوى وهو بيتعرض على النيابة يوم 7ابريل مصدرها جروب الحرية للشرقاوى على الفايس بووك

محمد الشرقاوى إتاخد من قدام بيتة يوم الاضراب الصبح الساعه 8

الشرقاوى إترحل لسجن المرج إمبارح

أحمد بدوى و محمد الشرقاوى وإسراء عبدالفتاح ونادية مبروك وشادى العدل  ووليد صلاح وأحمد نصار وأحمد ميلاد وكل المعتقلين المصريين اللى نزلوا يوم 6 ابريل الصورة دى قالت اللى كانوا عايزين يقولوه

تصوير ناصر نورى - رويترز

محمد الشرقاوى أخد 15 يوم على ذمة التحقيق

المعتقلين الـ23 أخدوا 15 يوم هما كمان ، ومعاهم بنات ، إسراء عبدالفتاح راشد فى سجن القناطر ونادية مبروك  

المدون كريم البحيرى إتقبض عية إمبارح

الأشقر والدكتور حسن العطار ومجدى قرقر- من قيادات كفاية - أخدوا 15 يوم

تم الافراج عن الحاج محمد سعد الوسيمي و استاذ احمد ماجد من الإسكندرية

تم ترحيل احمد عراقي نصار و قطب حسنين و احمد السيد ابو عبداللة الى سجن الحضرة بالاسكندرية بعد ان اخذوا 15 يوم على ذمة التحقيق  

الدنيا لسة مولعه فى المحلة 

الكارثة هى وافاة طفل فى المحلة عنده 15 سنة برصاص الشرطة الطفل إسمة محمد أحمد حامد

النيابة بتحقق مع 179 عامل من عمال المحلة والتهم الموجهه ليهم نقلا عن مركز هشام مبارك للمساعدة القانونية هى:

1- تهمة الانضمام لتجمهر مؤلف من اكثر من 5 أشخاص كان من شأنه جعل السلم العام فى خطر والغرض منه تعطيل اللوائح والقوانين والتأثير على السلطات فى عملها وذلك بالقوة والعنف بان خربوا عمدا املاكا عامة وهى قطارات مملوكة لهيئة السكة الحديد ارقام 60 و65 و994 بالاشتراك مع اخرين

2- التعريض العمدى لسلامة وسائل النقل البرية للخطر بالاشتراك مع باقى المتهمين

3- تعطيل حركة المواصلات بالقيام باشعال الاطارات الكاوتش بالنيران ووضعها على شريط السكة الحديد بالاشتراك مع باقى المتهمين

وجاء فى محضر الضبط

قيام المتهمين بتعطيل حركة سير القطارات المتوجهة من طنطا الى مدينة المنصورة

اتلاف زجاج النوافذ الخاصة لعدد ثلاث قطارات

اشعال النيران فى اطارات الكاوتش ووضعها على شريط السكة الحديد بالاشتراك مع باقى المتهمين

القنوات بنت الوسخة المنبطحة سواء ارضى او فضائى كلهم معرصين يأما بيتجاهلوا الموقف وبيتكلموا عن حاجات تافهه بنت أحبة أو بيتهموا الشعب انه السبب وإنهم غوغاء يخرب بيت ميتين أم اللى قالكوم إنكم إعلاميين ايه الخرا دا